JJM hnuaiah tui connection leh Aadhaar thlunzawm dawn

India rama chhungkaw tin hnena tui connection pekna tura sorkar laipui hmalakna Jal Jeevan Mission (JJM) hnuaiah tap water connection leh chhungkhata hotu ber Aadhaar number chu thlunzawm a ni dawn.

National Jal Jeevan Mission-a Additional Secretary & Mission Director Bharat Lal chuan, "Tunlai thiamna hmangin, JJM chuan serivce langtlang, rintlakleh ṭangkai, daihzai zawka sum hmanchhuahna tur a kalpui dawn a ni. Tap water connection pekte chu chhungkhaw hotu ber Aadhhar number nen thlunzawm zel a ni dawn a, water supply infrastructure siamchhuah te hi chhinchhiah, geo-tagged an ni," a ti.

JJM data tarlan danin, thla 24 chhungin aspirational district 117-a tap water connection pekchhuah zat chu maktaduai 3.13 (9%) aṭangin maktaduai 11.654 (34%)-ah a pung chho a ni. Hetiang bawk hian state panga huamchhunga district 61-a Japanese Encephalitis / Acute Encephalitis Syndrome (JE/ AES) natna hri lennaah tap water connection pek chu chenna in 8,00,000 (2.5%) aṭangin maktaduai 11.1 (36%)-a pung chhoin, hei hian mipui khawsak a bikin naupang leh hmeichhiate dinhmun chu a siamṭhat sak hle.

Mission director chuan JJM hian organisation 185 thurualpuiin, an zingah hian United Nations agencies UNICEF, UNOPS te pawh an tel tih a sawi.

Kum 2019, July thla khan sorkar laipui chuan ramchhunga tui lama harsatna tawh ṭhinte sukiang turin ministry thar Jal Shakti an din. He ministry-ah hian a hmaa water resources leh drinking watwer and sanitation ministry hrana siam chu chhunfin an ni.