Gujarat CM thar atan Bhupentra Patel lalut

Gujarat chief minister thar atana ruat, Bhupendra Patel chu nimin khan CM atan rinawmna thu tiamtirin lakluh a ni.

Patel hi Gujarat CM aṭanga Vijay Rani a ban hnuah Pathianni khan a thlaktu atan ruat a ni. Niminah lakluh nghal niin, lakluh inkhawmah hian union home minister Amit Shah pawhin a telpui a ni.

Kum 59 mi, Gujarat CM thar hi MLA a nih ṭum khatna a ni a, 2017 assembly inthlanah khan Congress candidate Sahshikant Patel chu vote nuai khat chuanga hnehin, hemi ṭuma inthlana inhnehna sang ber a ni. Patel/Paridar hnam niin, Gujarat chief minister hlui Anandiben Patel nen pawha inpawh ṭha tak a ni. Nakkumah Gujarat assembly inthlan hi neih a nih dawn avangin BJP hian Patel/Patider vote pawh a hui phah hle rin a ni bawk.

CM thar hi civil engineering-ah diploma neiin, kum 2017 election paper-a thil neih zat a thehluh chu cheng vaibelchhe nga hu a tling. Ahmedabad Urban Development Authority (AUDA)-ah chairman ni tawhin, Standing Committee of Amdavad Municipal Corporation (AMC) hotu a ni tawh bawk a ni.