GSAT-6A satellite be pawp thei lo

March 29-a kahchhuah, GSAT-6A satellite chu an be pawp thei lo a, biak pawh tumin theihtawp an chhuah mek tih Indian Space Research Organisation (ISRO) chuan a sawi.

ISRO hian March 29 khan Andhra Pradesh-a Sriharikota-a Satish Dhawan Space Center-a Second Launch Pad (SL) aṭangin communication satellite GSAT-6A hi tlai dar 4.56 ah hlawhtling taka kahchhuah a ni. Kg 2,140-a rit, meter 49.1-a sei GSAT-6A hi hmun kilkhawr zawk aṭanga inbiakpawh theihna tur kawnga pui thei tura duan a ni a, kum 10 chhung hman theih tur a ni. Hei bakah hian Indian Army Force-te'n an chhawr ṭangkai thei dawn bawk a ni. Satellite hian meter ruk-a zau antenna a nei a, ISRO communication satellite in a hman tawh zinga lian ber a ni a, hei hi s-band communication atana hman tur a ni.

India communication satellite chak bera sawi, GSAT-6A hi kachhuah a nih hnu hian hlawhtling takin ṭum khat chu khawvel a thlawh kual a, a ṭum hnihna tur a thlawh kual hnu aṭanga minute li hnuah data engmah dawn theih a ni ta lo a ni.