BJP-in Rahul Gandhi lakah thubuai thehlut

Bharatiya Janata Party (BJP) chuan Congress president Rahul Gandhi chu Prime Minister Narendra Modi-a chungchang mawi lo taka sawiah puhin,a lakah intihmualpho tuma puhna thubuai an thehlut.

BJP thupuangtu Shalabh Mani Tripathi chuan Inrinni khan Rahul Gandhi laka thubuai hi thehlutin, New Delhi-a Congress party national conclave neihnaah khan Gandhi hian PM Modi chu tun hnaia thil dik lo tih vanga sawi hlawh tak, lunghlua sumdawng Nirav Modi leh IPL Commissioner hlui Lalit Modi-te nen a khaikhin a, Modi tih hming chu eirukna nena inzawmna nei angin a sawi a ni, a ti. Rahul Gandhi thusawi hian BJP te rilru a tina hle niin a sawi bawk.

Thubuai hi Deoria district fast track court hi thehluh a ni a, April 5 hian ngaihtuah a ni ang.