Delhi sorkarin ruahtui khawlte puihna turin Rs 50,000 pe dawn

Delhi sorkar chuan groundwater level tipunna atan leh ruahtuite ṭangkai zawka hman a ni theihna atan, ruahtui khawlna atana inchunga rootftop rainwater harvesting system hmangte chu sum hmanga ṭanpuina Rs 50,000 a pek dawn bakah, an tui bill pawh 10% pek kir an ni dawn tih Thawhṭanni khan a sawi.

Delhi Jal Board (DJB) chuan a hmain thuchhuah a siamah in, square metre 100 chuang china cheng mekte leh sa tur te chu RWH structure vuah vek turin a ngen a ni. RWH vuah hun hi sorkar chuan December 31, 2021 thleng a pawtsei a, a hmaa DJB certificate lak kher ngai ṭhin pawh tihtawp a ni bawk.

Water minister leh DJB chairman Satyendar Jain chuan, RHW system vuahna atan hian sorkar chuan a man aṭanga 50% chin, Rs 50,000 thleng a pek dawn bakah, tui bill 10% pek kir leh an ni dawn tih a sawi.