Hindi Diwas pualin PM Modi-a'n duhsakna hlan

15th September, 2021

Prime minister Narendra Modi chuan nimin khan Hindi Diwas pualin ram mipuite duhsakna hlana, union minister-te leh chief minister hrang hrangte pawhin duhsakna an hlan bawk.

PM chuan Hindi tihhausakna atan ram mipuite chuan tha an thawh a ni tiin, khawvel huap pawhin Hindi chu dinhmun ṭha takan an dintir a ni, a ti.

India hian kum 1949-a official language atana Hindi pawm ni, September 14 hi National Hindi Day, Hindi Diwas atan a hmang ṭhin a ni.

Defence minister Rajnath Singh pawhin, Hindi chu India ramah chauh ni lo, khawvelah pawh ṭawng lar ber zingah a tel tawh tih a sawi. Ram mipuite chuan Hindi chu chawi lar a, an hmang ṭangkai zel chu an mawhphurhna a nih thu a sawi ve bawk.