President-in Padma award hlan

President Ram Nath Kovind chuan nimin khan Rashtrapathi Bhawan-ah Padma Award dawngtu mi 43-te hnenah award a hlan. Hei hi kumina Padma award hlan ṭum hnihna a ni.

Union Home Minister Rajnath Singh chuan Pathianni zan khan award dawngtute pual hian zanriah a lo buatsaih sak tawh bawk a ni. Minister chuan award dawngtute chu lawmpuina hlanin, an hnathawh leh inpeknate chu ramin a hriatpui a ni, a ti. Award dawngtu zinga ṭhenkhat chuan an hnathawh leh tawnhriat hrang hrangte an sawi bawk. He hunah han union minister Kiren Rijiju, Secretary to President of India, Sanjay Kothari, Home Secretary, Rajiv Gauba te pawh an tel.