India-ah Covid vaccine dose khatna la tam ber : Health Ministry

Khawvel ram hrang hrang zingah India ram chu Covid-19 vaccine dose khatna emaw tal la tawh tamna ber leh dose bikima la tawh tamna ber ram a ni tih Ministry of Health and Family Welfare chuan a puang.

Health Ministry website-in COVID-19 vaccination pek chhuah dan chungchang a tarlanah, khawpui chhunga vaccination centre aṭangin vaccine hi 36.30% semchhuah a ni tawh a, khawpui chhungah 36.30% pekchhuah a ni tawh thung.

Rural/Urban tia chhinchhiah tel kher lo, Covid Vaccination Centres (CVCs)-aṭangin vaccine dose nuai 73.44 (1.16%) semchhuah a ni tawh bawk.

September thlenga ramchhunga Covid-19 vaccine pekchhuah tawh zinga 52.5% chu mipa an ni a, 47.5% chu hmeichhia niin, a bak 0.02% chu 'Other' gender te an ni thung.

Puitling zinga 60.7% velin Covid-19 vaccine dose khatna an la tawh tih ministry chuan a sawi bawk.

"India hi khawvela Covid-19 vaccine dose khatna la tawh zat leh vaccine dose bikima la tawh zat tamna ber a ni," tiin vaccine la tawh zat chawhrual hi khawvel ram zinga a sang ber anih thu ministry e-book chuan a tarlang.

Mi maktaduai 181 chuangin vaccine bikimin an la tawh a, US-ah chuan vaccine la kim tawh zat hi maktaduai 178 an ni.

Frontline worker 100% in vaccine dose khatna an la tawh a, hetihlai hian 81.1% te chuan dose hnihna an la tawh thung.

Healthcare worker zinga 98.8% te chuan vaccine dose khatna an la tawh a, an zinga 84.7% chuan dose hnihna an la tawh bawk a ni.

Ministry chuan vaccine semchhuah kawngah chak taka hmalak zel niin, National COVID-19 Vaccination Programme chu uluk taka vil zui zel a ni tih a sawi. Vaccine semchhuah kawnga harsatna a awm lohna turin hriattur ṭul angte tihchhuah reng a ni, a ti bawk.