PM Modi-an Defence Offices Complex a hawng

Prime minister Narendra Modi chuan nimin khan Kasturba Gandhi Marg leh Africa Avenue-a Defence Offices Complex a hawng.

Defence Offices Complex tharah hian Ministry of Defence leh Armed Forces official 7,000 vel an leng thei dawn a ni. Building hi tunlai thiamna hmanga thuam niin, a him tawkin hnathawhna tur hmun zau tak siam a ni.

Building enkawlna atan Integrated Command and Control Centre din a ni a, heta ṭang hian building pahnih venhim leh enfiah hna hi thawh a ni ang.

Defence Office Complex thar hi tunlai thiamna thar ber hmanga thuam niin, LGSF (Light gauge steel frame) technology hman a ni. Hei hian a sak hun chu RCC aiin thla 24-30 velin a tihtawi phah a ni.

Building thar hawnna hi defence minister Rajnath Singh, Housing and Urban Affairs Minister Hardeep Singh Puri, MoS Defence Ajay Bhatt, MoS Housing and Urban Affairs Kaushal Kishore, Chief of Defence Staff General Bipin Rawat, Chief of the Army Staff General Manoj Mukund Naravane, Chief of the Naval Staff - Admiral Karambir Singh, Chief of the Air Staff -Air Chief Marshal Rakesh Kumar Singh Bhadauria te'n an hmanpui a ni.