CBSE-in Class X Maths exam nawn tir dawn lo

Central Board of Secondary Examination (CBSE)-in exam zawhna putru avanga CBSE hnuaia Class X Mathematics leh Class XII Economics paper exam ṭhat a ni dawn tih a sawi hnuah, nimin khan Class X Mathematics chu exam ṭhat a ni leh dawn lo tih a sawi.

Education Secretary Anil Swarup chuan question paper putru chungchang an ngaihtuah hnuah, zirlaite hmakhua thlirin Class X Maths paper chu exam nawn a ngai dawn rih lo niin a sawi a, Delhi NCR leh Haryana-ah te pawh exam ṭhat a ngai dawn lo a ni, a ti. Hetih lai hian Class XII Economic paper erawh chu April 25 hian exam ṭhat a ni ang.

Hetih lai hian paper putru avanga CBSE-in Class X Maths exam buatsaih ṭhat a tum duh lo hian Supreme Court-ah petition eng emaw zat thehluh a ni a, heng petition-te hi court chuan vawiin-a ngaihtuah turin a dah a ni.