Information & Broadcastiong Ministry-in thuchhuah siam turah PM rawn lo

Union Information and Broadcasting (I&B) ministry-in Thawhṭan zana journalist-ten thu dik tawk lo, fake new an tihchhuah chuan sorkarin a pawmpuina, accrediation tihtawpsak an ni thei tia thuchhuah a siamah chuan Prime Minister Narendra Modi a rawn lo niin sawi a ni.

I&B Ministry thuchhuah siam hian sawisel zui a hlawh hle a, a hnu lawkah Prime Minister Modi pawhin ministry thuchhuah siam hi sut tura hriattirin Thawhlehni khan sut leh nghal a ni. Journalist leh eptu party-te chuan ministry thuchhuah hi chanchinbu mite zalenna palzut sakna nia sawiin na takin an sawisel a ni. Press Club of India, Indian Women's Press Corps, Press Association leh Federation of Press Clubs of India chuan demna thu an tichhuak nghal a ni.

PM-in a hriattir hnuah, Thawhlehni chawhnu lam khan April 2 zana fake news chungchanga Guidelines for Accreditation of Journalists siamṭhat a nih thu thuchhuah a siam chu sut a ni tih a sawi leh ta a ni. PM chuan fake news chungchang chu Press Council of India chauhin a ngaihtuah tur a ni, a ti.

Congress party chuan ministry-in a thuchhuah a sut leh chu democracy leh media tana hnehna ropui tak a nih thu a sawi a, journalist-te an lawmpui thu an sawi bawk.