Maldive-in India helicopter pek pe kir dawn

Maldive sorkar chuan sorkar laipui hnenah an ram Navy tana hman tur helicopter pahnih a pek zinga pakhat chu a pe kir dawn.

India leh Maldive sipaite chuan he helicopter hmang tura ram pahnihten kum hnih chhung atana inremna a siam chu a tawp tawh niin an sawi a, Maldive chuan inremna siam hi pawhsei a duh tawh lo a, hei vang hian helicopter hi pek kir a tum a ni.

Ram pahnihte inremna hi kum hnih atan ziakin, hun tiam a ral hnuah kum hnih dang atan an pawtsei leh mai ṭhin. Mahse tun hnaiah Maldive leh India inkar boruak hi a ṭha lo chho a, hei vang hian Maldive hian inremna hi pawhsei a duh tawh lo nia rin a ni. Sorkar laipui pawhin Maldive hnenah hian inremna pawhsei a duh loh chhan hi a zawt a, mahse Maldive hian a la chhang lo. Hetih lai hian Maldive official-te chuan sipai hian helicopter aiah surveillance aircraft an mamawh zawk niin an sawi.