BJP president-in mi 10 thihna thlen chhanah eptute puh

Bharatiya Janata Party (BJP) national president Amit Shah chuan Thawhṭanni-a ramchhung hmun hrang hranga Dalit pawlten SC/ST Act tihdal tum nia sawia Bharat bandh an huaihawta buaina chhuaka mi 10 thih chhanah eptu party-te a puh.

BJP president chuan Supreme Court-in SC/ST Prevention of Atrocities Act tihdalna tur a siam nia sawi chungchangah an party chuan petition thehluh an tum thu an sawi tawh a, hetihlai hian eptute chuan nawrh hi an huaihawt a, hei vang hian nawrhnaa buaina chhuaka mi 10 thihnaah mawh an phur a ni, a ti. Hnam tlem leh hnuaihnung zawkte chu an party chuan an thlawp thu sawiin, an chanvo humhalhsakna tur chu BJP chuan tihtawp a remti ngai dawn lo a ni, tiin Odisha-a Bhawanipatna-a vantlang inkhawmah a sawi. Hemi hma hian Prime Minister Narendra Modi pawhin a kaihhruai sorkar chu mi rethei leh dinhmun hniam zawkte tan a thawk zel dawn tih a lo sawi tawh bawk.