J&K-a bunker tam tak siam remti

Sorkar laipui chuan Pakistan sipaiten an beihna ṭhin lakah civil mite invenhimna turin Jammu and Kashmir-a cheng vaibelchhe 415.73 senga bunker 14,460 siam tumna chu a remtihsak.

India leh Pakistan hian ramri, Line of Control (LoC)-ah inkahhai puang mah se Pakistan hian he inremna hi vawi tam tak a bawhchhe tawh a, kumin chhung pawhin LoC kaltlangin India lamah ṭum 650 zet silai a hmetpuak tawh a ni. India sipaite chuan Pakistan sipaite hi chhang let ṭhin nghal mah se, ramri bula cheng civil miten harsatna an tawh phah nasa thei hle a ni.

Civil mite invenhimna tur bunker siamtu tur, NBCC chuan Ministry of Home Affairs (MHA) aṭangin Indo-Pakistan ramri-a bunker 14,460 siamna tur hi phalna an dawng niin a sawi. Bunker siam hian ramri-a Pakistan sipaite silai hmehpuah avanga civil mite tawrhna thleng ṭhin a tihziaawm phah beisei a ni.