Defence Expo 2020 ṭan a ni ta
India ram sipaiten an ralthuam ṭha ber berte an pholanna hun, Defence Expo 2020 edition 11-na chu nimin khan Uttar Pradesh khawpui Lucknow-ah neih ṭan a ni a, he hun hi prime minister Narendra Modi chuan a hawng.
February 9 thleng Defence Expo hi neih tur a ni a, kumin hian foreign defence manufacturer 172 an rawn tel thei a, ram 38 aṭangin defence minister-te an rawn tel thei bawk a ni. DefExpo 2020-a tel tura register tite hi 1,028 an awm thu tarlan a ni.
He Expo theme atan hian "India: The Emerging Defence Manufacturing Hub" tih chu hman a ni a, kum 2018 khan Chennai-ah neih a lo ni tawh bawk.