Ram Temple sak tur atan Shri Ram Janmabhoomi Teerth Kshetra trust din

Uttar Pradesh (UP)-a Hindu Lord Ram Temple sakna tur zawng zawng buaipui tur atan Shri Ram Janmabhoomi Teerth Kshetra trust chu din a ni tawh tih nimin khan prime minister Narendra Modi chuan Lok Sabha house inkhawmah a sawi.

PM Modi chuan a hoa union cabinet ṭhutkhawmah Shri Ram Janmabhoomi Teerth Kshetra trust hi din fel a ni tih sawiin, he trust hnuaiah hian trustee 15 a awm thu leh trustee 1 chu Dalit society aṭang a nih thu a tarlang bawk. 

UP-a Ram Temple sakna tur hi a tualzawl tur zawng zawng telin ram arce 67.703-a zau a ni ang. Hun rei tak Ayodhya ram inchuh thubuai hi buaipui a nih hnuah, nikum November 9 khan Supreme Court chuan Hindu-te kutah a pe fel ta a ni. Hemi rual hian Ayodhya-ah mosque sakna tur ram acre 5-a zau chu Sunni Waqf Board hnena pe turin sorkar laipui a hriattir hnuah, UP sorkar chuan pek a rem tih thu PM Modi chuan house inkhawmah a sawi.