AP-in happiness department siam dawn

Andhra Pradesh sorkar chuan Happiness Commission a din thuai dawn a, hei hi Deparment of Planning hnuaiah awmin Chief Minister N Chandrababu Naidu-an a ho dawn a ni.

Andhra Pradesh hi ramchhunga state zingah happines ministry siamtu pahnih a ni dawn a, a hmain Madhya Pradesh sorkar chuan a lo siam tawh a ni.

AP state development planning society (APSDPS) leh commission vice-chairman atana rawt, Sanjay Gupta chuan commission in a tum ber chu mipuite kawng hrang hranga hmasawnna tur ngaihtuah te, rilru leh taksa lama hriselna ṭha zawk an neih theih dan te, an hun awl te ṭha zawka an hman theih dan te, zirna ṭha an neih theih dan ngaihtuahte a ni.

Gypta chuan an tum ber chu Andhra Pradesh state mipuite hlim taka siam a ni tih sawiin, an hmalakna tur zingah hriselna ṭha an neih theih nana infrastructure tihchangtlun te, sorkar leh private office-ahte boruak ṭha tak siam te, mipuite khawsak phung tihhmasawnna tur facility siam te, adventure leh outdoor activity lam chawikan te a tel dawn tih a sawi.