CBSE Class 10 paper leak thubuai chingfel

Delhi Police-a crime branch chuan nimin khan Central Board of Security Education (CBSE) class 10 Mathematics examination paper putruk kaihhnawihah hmeichhe pakhat a man. DCP Ram Gopal Naik chuan Class 10 paper leak buaina hi an chingfel tawh tih a sawi.

CBSE Class 10 Mathematics leh Class 12 Economic paper putruk vangin board chuan exam buatsaih ṭha turin a ti a, mahse a hnuah Class 10 paper leak hi a darh loh avangin a ṭhulh leh a, Class 12 Economic paper chauh exam ṭhat a ngai dawn a, April 25-ah exam hi buatsaih a ni ang.

Examination paper putruk chungchang hi chhui zui nghal niin, Class 12 Economic paper put­ruk kaihhnawihah hian Himachal Pradesh-ah mi pathum man an ni tawh a, an zingah hian ziritirtu pakhat a tel.

Police-te chuan paper leak-te board level aṭang emaw, bank-a dah an nih lai emaw aṭanga chhuak niin an sawi a, paper dahna bank hrang hrang CCTV footage-te pawh an endik tawh a ni. CBSE question leak kaihnawihah hian Delhi Police-te chuan thubuai pahnih an ziaklut tawh a, pakhat chu March 27 khan Class 12 Economics question leak kaihhnawihah ziahluh niin, March 28 khan Class 10 Mathematics paper leak kaihhnawihnah ziahluh leh a ni.