Panathinaikos player an nuar

Greek Super League club Panathinaikos player-te chuan nikum kum tawp lam aṭang khan hlawh an la tawh lo a, an lungawi lohna lantirin club training an zawm duh lo.

Panathinaikos player-te hian December-a an hlawh lak tur an la la kim lo a, kum 2018-ah hlawh an la la miah lo bawk!

Athens club chuan player-te hi December-a an hlawh chu an pek tur thu an sawi a, nimin kha chuan club training zawm tura beisei an ni. Panathinaikos hian Pathianniah Atromitos nen league match an khel dawn a, ruahman sa anga engkim kaltluang tura beisei a ni.

Greek champion vawi 20 ngawt ni thei tawh Panathinaikos hian tun season-ah beisei an phak lo hle a, league-ah pakuana dinhmun luah mekin an defender hlui Jens Wemmer laka an leiba an rulh loh avangin kuminah point thum paih sak an ni.

Kar hmasa khan Olympiakos player-te chu club president chuan £350,000 chawi tur leh chawlh hmanga chhuak turin a lo hrem tawh a, PAOK Salonika president chu AEK Athens nen an inkhelh ṭuma khelmualah pistol a ken luh avangin kum thum chhung atan hrem a lo ni tawh bawk.