NBA-ah a vawi khat nan kum 32 mi Ingram inlan

Basketball inelna sang leh ngaihhlut ber NBA-ah thil thleng zen zen lo a thleng. Angeles Lakers leh Houston Rockets inkhelh ṭumin kum 32 mi Andre Ingram chu a vawi khat nan a inlan a, Lakers guard Andre Ingram hi NBA-a match hmasa ber khelhnaah upa ber 14-na a ni.

Nilainia inkhelah Angeles Lakers hi 105-99 in chak lo mah se Ingram tan erawh inkhel chhinchhiah tlak bik a ni reng tawh dawn. NBA a khelh theih hma hian inelna hniam zawk G-League lamah a inlan reng tawh a, kum 10 chhungin match 384 zet a khel hman.

Ingram hi regular season match hnuhnung pahnih atan chauha lakluh a ni a, a match hmasa zawkah hian point 19 neiin, a team chakpui zo lo mah se nimin zing khan Los Angeles Clippers lakah point nga nei lehin hnehna an chang tawh thung.