Mosque sakna atan temple tihchhiatte siamṭhat vek an ni ang : BJP MLA

Uttar Pradesh-a Sardhana assembly seat aṭanga thlantlin, BJP MLA Sangeet Som chuan mosque sakna atana temple tihchhiatte chu an party chuan an siamṭha leh vek dawn tih a sawi.

Som chuan UP Chief Minister hlui Akhilesh Yadav chu a chang chang chauha Hindu tia a sawinaah he thu hi a sawichhuak a, " Yadav-te hunlaia Hindu puithiam kut lo thlaktute khan tunah chuan Haridwar tlawhin ngaihdam an dil leh tawh a, Lord Vishvakarma temple sak pawh an tiam leh tawh zawk a ni," tiin Samajwadi Party kaihhruai sorkar hmasa chu a sawisel a ni. UP assembly inthlan dawnah chuan mi ṭhenkhat chu reilote chhung Hindu ṭha tak angin an lang ṭhin tiin Yadav chu a tiel zui a ni.

'Hindustan hi Hindu-te ta a ni a, mi tupawh hi Hindu an ni. Muslim-te pawh Hindu vek an ni," tiin Soma chuan a sawi. BJP MLA hi kum 2013-a Muzaffarnagar-a sakhaw inkara buaina chhuakah pawh khan a mawhphurtu zinga puh a ni lo ni tawh. UP Assembly inthlan lo awm turah chuan BJP chuan sorkarna a siam leh ngei dawn a, seat 350 tal a la pha dawn a ni, a ti.