Election Commission-in Bengal all party meeting a buatsaih
Election Commission of India chuan nakkuma West Bengal assembly inthlan neih tur atan nimin khan video conferencing hmangin all political party meeting a buatsaih.
Poll panel official chuan Covid-19 hri leng mek kara inthlan buatsaih dan turte sawiho tura meeting ko anih thu a sawi. Bihar inthlan neih zawh tak thlirin hripui leng hian inthlan a tibuai lo thei tih pawh a hriat tawh a, fimkhur taka hri darh tur venna kawnga hma lak dan turte sawiho a nih tur thu a sawi.
West Bengal chief electoral officer pawhin inthlan neih tur atana in buatsaih dan tur chung changah district official-te meeting a neihpui thuai tur thu a sawi bawk.
West Bengal inthlan neih tur atan hian political party hrang hrangte pawhin hma an la ṭan tawh a, union home minister Amit Shah pawh ni hnih chama zinin, BJP inbuatsaih thlante a thlirpui a ni.
Chief miniser Mamata Banarjee kaihhruai, rorellai Trinamool Congress party chuan a term thumna atan sorkarna chelh leh ngei an tum a ni. Kum 2019 Lok Sabha inthlanah khan seat 42 awmah seat 18 an la a ni.
Election Commission chuan November 18 hian draft electoral roll tihchhuah a tum a, final electoral roll chu nakkum January thlaah tihchhuah a ni ang.