Narendra Modi-a'n Rs vbc 614 hu project a hawng

Prime minister Narendra Modi chuan nimin khan Varanasi-ah project 30, cheng vaibelchhe 614 hu chu video conference kaltlangin a hawng.

Project hawnna hun a neihah hian PM Modi chuan Varanasi chu tlawhtu an tam thu leh inkalpawhna pawh ṭha tak a neih thu sawiin, Varanasi khuaah hian tun hma ai zawngin khualzinte chu an tam tawh zawk a ni, a ti.

Project 30 a hawn zingah hian Sarnath Light and Sound Show, Lal Bahadur Shastri Hospital Ramnagar tihchantlunna tur te, bawng humhalh a nih theihna tura hmalakna tur te, 105 Anganwadi Kendras leh 102 Gau Ashray Kendras siam na tur te, infiammite tana housing complex sakna tur, thlai  dahṭhatna tur warehouse sakna tur, IPDS phase 2 dinna tur te pawh a tel.