State-ten GST hnuaiah dah an duh loh vangin fuel man a tlahniam thei lo: Petroleum Minister

Union petroleum minister Hardeep Singh Puri chuan state sorkar-ten fuel chu Goods and Services Tax (GST) huam chhunga dah tel an duh loh avangin petrol man a tlahniam thei lo niin a sawi.

Press Trust of India-in a kawmnaah he thu hi sawiin, Union Minister chuan petrol man tihhniam chu a duh hle a, mahse state-ten GST hnuaia dah an duh loh avanga hniam theih a nih loh thu a sawi. "Sorkar laipui chuan petrol chhiah hi litre khatah Rs 32 a la ni.

Barrel khat USD 19 a nih laiin chhiah hi litre khatah Rs 32 kan la a, barrel khat USD 75-ah a kai chho hnuah pawh kan chhiah lak zat hi a ngai reng tho. Litre khata Rs 32 kan lak hmang hian mipuite hnenah a thlawnin buhfai, chenna in leh an hamṭhatna tur scheme hrang hrang kan pe thei a ni," a ti.