Sept 27-ah Pradhan Mantri Digital Health Mission tlangzarh dawn

Prime minister Narendra Modi chuan September 27 hian rampumah Pradhan Mantri Digital Health Mission (PM-DHM) tlangzarhin, kalpui ṭan a ni dawn.

Official-te chuan PM-DHM hnuaiha mipuite chu digital health ID pek an ni dawn a, hetah hian an health record dah vek a ni dawn tih an sawi. He ID-ah hian Aadhar leh mobile number-te dahlutin, mitin number hrang ṭheuh an nei dawn a ni. PM-DHM hi union territory - Andaman & Nicobar Islands, Chandigarh, Dadra and Nagar Haveli, Daman and Diu, Ladakh, Lakshadweep leh Puducherry-ahte enchhinna kalpui mek a nih thu an sawi bawk.

He mission-in a tum ber chu India rama healthcare system rintlak leh ṭangkai zawk siam a ni tih sawiin, paper-based health record tam tak dahṭhat ngai emaw, health facility-a rei intlar ngai ṭhinte chu he digital system hmang hian tihkian a ni dawn tih an sawi.