Congress-in ‘Save the Constitution’ campaign nei dawn

Congress party chuan rampum huapin ‘Save the Constitution’ campaign an nei dawn tih sawiin, he campaign hian April 23 hian party president Rahul Gandhi chuan Delhi-a Talkatora Stadium-ah a hawng dawn a ni.

‘Save the Constitution’ campaign-a an tum pakhat chu ramchunga hnam tlem leh hnuaihnung zawkte chunga pawikhawihna thleng hluar zel chungchang a nih thu party Scheduled Caste Cell chairman Nitin Raut chuan a sawi. Dalit hnamte laka pawikhawihna thleng fo duh lohna lantirin nawrh pawh hauihawt a lo ni tawh bawk.

Nitin chuan ram chhunga tharum thawhna thleng hluar chhanah BJP puhin, BJP-in hnam tlem leh hnuaihnung zawkte a hmuh dan avanga hetiang hi thleng ṭhin a ni, a ti. Dalit hnam chauh ni loin, OBC-te pawhin sorkar lakah lungawi lohna an lo lantir tawh niin a sawi. Nitin chuan ram danpui chuan beih a tawk mek a, BJP sorkar chuan hnam ṭhenkhat ten lehkha zir leh hna thawk tura dikna an neihte a hnar sak a, sorkar lam aṭangin heng mite pui tur hian tumah an che chhuak duh lo a ni, a ti.