Mecca Masjid case : Mi panga thiam chantir

Hyderabad-a special anti-terror court chuan kum 2007-a Mecca Masjid bomb-naa inhnamhnawiha puh, right-wing activist Swami Aseemanand leh midang pali te chuan an puhna finfiahna tur a awm lo nia sawiin thiam a chantir.

Kum 2007, May 8 khan Zirtawp tlai ṭawngṭai hun hman laiin Mecca Masjid-ah hian bomb tihpuah a ni a, mi pakua an thi a, midang 58 in hliam an tuar a ni.

He pawikhawihna thleng hi tualchhung police-ten an chhui a, a hnuah CBI kutah hlan a ni a, kum 2011 khan anti-terror investigation agency National Investigative Agency (NIA) kutah hlan ani leh a ni.

Mecca Masjih beihnaah hian Hindu right wing organisation, Abhhinav Bharat nena inzawmna nei mi 10 chu inhnamhnawiha puh an ni a, mahse an zinga mi panga, nimina thiam chantir takte chauh hian thubuai hi an hmachhawn a ni. Mi pahnih te chu chin hriat lohin an bibo a, pakhat chu thah a ni a, midang pahnih chu zawn mek an ni bawk.