Arunachal Pradesh-ah special category status phutin bandh huaihawt

Andhra Pradesh state tana special category status pek phutin nimin khan Andhra Pradesh Pratyeka Hoda Saadhana Samiti chuan state pumah bandh an huaihawt.

Bandh huaihawt hi eptu pawl YSR Congress, Congress leh Left party-te chuan an thlawp a, rorellai TDP erawh chuan a dodal thung.

Chief Minister Chandrababu Naidu chuan bandh huaihawt chuan hmasawnna hna thawh a tibahhlah ṭhin tih sawiin, a thlawp loh thu a sawi. Hei hi eptu party chuan na takin an sawisel thung a, Naidu chu eptu hruaitu a nih lai chuan vawi tam tak bandh a huaihawt a, tuna CM a nih hnuah hmasawnna tiṭhuanawptu tiin a sawi leh si a ni, an ti. YSRC hruaitu Ambati Rambabu chuan bandh huaihawt democracy hnuaia lungawi lohna lantirna chi khat a ni tih Naidu chuan a hriatthiam a ngai a, lo dodal turin dikna a nei lo a ni, a ti.

Sorkar laipuiin Andhra Pradesh tana special category status a pek duh loh avangin Naidu hian March thla khan BJP kaihhruai National Democratic Alliance an thawhpuina chu a lo titawp tawh a ni.