Sorkarin Rome-a Barnerjee kal remti lo

Ministry of external affairs chuan West Bengal chief minister Mamata Banerjee-in Italy-a sakhaw hrang hrang-ten peace meeting an neih tura kal a tum chu phalna a pe duh lo.

Rome-a Catholic foundation, Community of Sant'Egidio in all-faith peace meeting, ni hnih awh a buatsaih turah hian khawvel ram hrang hranga sakhaw hruaitu leh political leader 500 vel an sawm a, an zingah hian Germany Chancellor Angela Merkel, Italy prime minister Maior Draghi leh Pope Francis-te pawh an tel. Mamata Banerjee pawh hi sawm zingah a tel a, hemi atan hian Italy pawhin special permission a pek thu sawiin, mahse sorkar laipui chuan Chief Minister tan kal a rem lo tia sawiin phalna a pe duh lo tih a sawi a ni.

Trinamool Congress hotu Mamata Banerjee hi sorkar laipui thiltih danah a lawm lo hle a, an thik nia a ngaih thu pawh a sawi. " Min dang thei chuang lo ang. Ram dang tlawh hi ka chak em em lo. Mahes he thil hi chu ram inzahtawnna thil zawk a ni. PM Modi hian Hindu chungchang a sawi fo a, eng vangin nge India aṭanga Hindu hmeichhia kal tur chu an phal leh si loh?" tiin India aṭanga sawm awmchhun a nih thu a sawi.

Chief Minister-te hi official thila ram danga an zin dawn chuan external affairs ministry aṭangin remtihna an lak phawt a ngai a ni.