Darkar 65 chhungin PM Modi-a'n meeting 24 nei

Prime minister Narendra Modi chuan US-a darkar 65 a awm chhungin meeting 24 a nei a, hei bakah hian thlawhtheihnaah meeting vawi li a nei tel bawk.

PM Modi hian September 22-a US a pan lai thlawhtheihnaah meeting ṭum hnih a nei a, Washington DC a thlen hnuah hemi ni vek hian hotel-ah meeting vawi thum a nei zui nghal bawk. September 23-ah CEO hrang hrangte meeting neihpuiin, US vice president Kamala Harris, Australia prime minister Scott Morrison, Japan prime minister Yoshihide Suga-te nen meeting an nei zui leh a, hemi hnu hian internal meeting ṭum thum a nei leh bawk.

September 24-ah internal meeting vawi li a nei leh a, hemi ni hian US president Joe Biden nen meeting an neih bakah, QUAD meeting-ah a tel leh bawk. September 25-ah Modi hian US aṭanga New Delhi a pan laiin thlawhtheihnaah meeting ṭum hnih a ko leh bawk a ni.

PM Modi chuan US-a a cham chhungin mi hrang hrangte inbiakna hlawkthlak leh ṭangkai tak tak a neihpui thu sawiin, India leh US inlaichinna pawh a hma aia a ṭhat chhoh zel a beisei thu a sawi.