Mumbai-Delhi Expressway thar siam dawn

Union Highways Minister Nitin Gadkari chuan Delhi leh Mumbai-ah expressway thar siam a ni dawn tih a sawi. Expressway thar siam tur kawng kal dan hi sawi chiang lo mah se, Rajasthan leh Madhya Pradesh-te a paltlang dawn nia sawi a ni.

Gadkari chuan expressway thar hi cheng vaibelchhe nuai khat senga siam a ni dawn tih a sawi. Minister chuan kawng thar siam tur hi kum thum chhunga zawh hman tum a nih thu sawiin, he kawng tharah hian Mumbai leh Delhi inkar kawng, km 1,450 ni ṭhin chu km 1,250 vel a ni ang a, a inkara hun hman pawh darkar 12 velah a tlahniam thei dawn a ni, a ti.

Minister chuan Delhi khawpui kawngpui tawt lutuk tihziaawmna turin a ministry chuan project 10 a siam tih sawiin, heng project atan hian cheng vaibelchhe 35,600 vel an hmang dawn niin a sawi. Delhi-ah hian nitin commercial vehicle hi 40,000 vel an tlan lut ziah a, hei hian kawnpui a tihtawt phah bakah boruak pawh a tihbawlhhlawh phah hle. Khawpui boruak bawlhhlawh avangin Delhi hian harsatna a tawk chho reng tawh a, court pawhin heng harsatna chinfel dan ṭha ngaihtuah tur hian sorkar chuan an hrilh fo a ni.