India-in Europe ram pathumte inremna a ziahpui

India chuan Europe ram pathum Sweden, Denmark leh Iceland-te chu thawhdunna tur inremna paruk a ziahpui.

Prime Minister Naren-dra Modi chu ni nga thanga Europe ram pathum tlawh turin Thawhṭanni zan khan a zinchhuak a, Sweden, United Kingdom leh Germany te a tlawh dawn a ni.

Sweden ram tlawh hmasa berin, Stockholm-ah Sweden Prime Minister Stefan Lofven chuan a lo lawm a ni. Modi hian Sweden-a India mi awmte pawh a hmu bawk. Thawhlehni khan India leh Sweden chuan Stockholm-ah India-Nordic Summit an buatsaih a, he hun hi Finland, Norway, Denmark leh Iceland prime minister-te pawhin an hmanpui a ni. He summit neih denchhen hian thawhdunna tur inremna hi an ziak a ni.

 Stockholm-a India-in MoU/Agreement a ziahte chu:

- Ministry of Science and Technology leh Sweden-a Minsitry of Enterprise and Innovation chuan India-Sweden Innovation Partnership for a Sustainable Future atan Joint Declaration an ziak.

- Sustainable and Smart Urban Development atana thawhdunna turin India Ministry for Housing and Urban Affairs leh Denmark Ministry of Industry, Business and Financial Affairs chuan MoU an ziak.

- Animal Husbandry and Dairying a thawhdunna turin Department of Animal Husbandry, Dairying & Fisheries, Ministry of Agriculture & Farmers Welfare of India leh Denmark Veterinary and Food Administration, Ministry of Environ-ment and Food of Denmark ten inremna an ziak.

- Food Safety Coopera-tion atan MoU chu Food Safety and Standards Authority of India leh Denmark Veterinary and Food Administration-ten an ziak.

- Indian Council of Agricultural Research leh University of Copenhagen, Faculty of Science, Denmark chuan Agricultural Research and Education lama thawhdunna tur inremna an ziak.

- Indian Council for Cultural Relations leh University of Iceland-te chuan ICCR Chair for Hindi Language din tura thawhdunna tur thuthlung an ziak.

PM Modi hian Thawh-lehni zan khan UK lam a pan nghal a, nimin khan Commonwealth Heads of Government Meeting (CHOGM)-ah telin, Britain Prime Minister Theresa May-i a kawm bawk. Nizan khan PM hian London-a Central Hall Westminster-a "Bharat Ki Baat, Sabke Saath" buatsaihah thu a sawi a, he hmunah hian Mahatma Gandhi leh Martin Luther King Jr te pawn thu an lo sawi tawh a ni.