TN Governor thupha chawi turin phut

Tamil Nadu journalist-te chuan an state Governor Banwarilal Purohit chu reporter hmeichhe pakhat biangah a phalna la loa a chulsak vangin thupha chawi turin an phut a, Governor hian a thiltih chu pawi a tih thu sawiin nimin khan thupha a chawi nghal a ni.

TN journalist-te hian Governor hi lehkha thawnin, press meet a neihah zawhna zawttu reporter hmeichhia, Lakshmi Shramanian chunga a thiltih dan chu mak an tih thu leh, hei hi hmeichhiate dikna chanvo palzutna a nih thu an sawi. State khat hotuin hmeichhia phalna la lao a a khawih mai chu rilru chhe pu chunga thil tih ni lo mah se thil mawi lo tak a nih thu an sawi.

Governor hian journalist-te thil phut hi chhangin a chetdanah thupha a chawi thu a sawi. Purohit chuan journalist

hmeichhia chu a zawhna zawh leh chet dan ṭha a tih avanga a lawmpuina lantirna atan a tunu ang mai a ngaiin a biang a khawih sak tih a sawi. Amah ngei pawh kum 40 chhung zet journalist a lo nih tawh thu sawiin,

journalist a nih anga a hnathawh ṭha a lawmpuina a lantirna a nih thu a sawi.