Haryana-ah hmeichhiate jeans hak leh mobile phone neih khap

Haryana-a Sonipat biala Isipur Khedi khuaa panchayat chuan an khaw chhunga hmeichahite chu jeans kekawr hak a khap bakah, mobile phone an hman pawh a khapsak bawk.

Khawchhunga hmeichhiate chuan an thawm-hnaw hak tur chungchanga khapna siam chu sawiselin, buaina chu an thawmhnaw hak ni loin mipate rilru puthmang dik loh vang zawk a ni tih an sawi. Kum 2017 July thla khan Rajasthan-a Dholpur district-a panchayat chuan hmeichhiaten jeans kekawr an hak leh mobile phone an hman hi a lo khap tawh bawk. Khawthlang culture chuan a ṭha lo zawngin nghawng a nei nia sawiin an khap a ni. Hemi chungchang hi Rajasthan Women Commission chuan chhui zui a ni.