MP/MLA 48 in hmeichhe laka pawikhawihna thubuai nei

Hmeichhe pawngsualna thleng avanga ram mipuite thinurna chawh thawh a ni a, hmun hrang hrangah lungawi lohna leh rorelna dik phuta nawrh huaihawt a nih mek laiin, ram roreltu MP leh MLA zinga 48-te chu hmeichhiate laka pawikhawihna thlenna thubuai nei an ni.

Association for Democratic Reforms (ADR) in report a tihchhuah tharah, MLA 45 leh MP pathumte chuan hmeichhe laka pawikhawihna thubuai an nei mek tih a tarlang. ADR report chuan kum nga kalta chhung khan political party hrang hrangte chuan hmeichhe laka thubuai nei mek mi 327 chu candidate-ah an dah a, hetiang thubuai nei vek mi 118-te chuan indepedent-in an chuh bawk.

Maharastra chu hmeichhe laka thubuai nei MP leh MLA ngah ber niin, MLA 12 in he thubuai hi an nei mek. West Bengal-ah he thubuai nei hi MP/MLA 11 awmin, Odisha leh Andhra Pradesh-ah panga ve ve an awm bawk a ni.

Political party zingah hmeichhe laka thubuai nei mek hi BJP-ah an tam ber a, MP/MLA 12 an awm a, Shiv Sena-in dawtin pasarih an awm a, Trinamool Congress-ah paruk an awm bawk.