Covid-19 vaccine programme chhim turin ramdang palaite an lo zin dawnCovid-19 vaccine programme chhim turin ramdang palaite an lo zin dawn
Ministry of External Affairs (MEA) buatsaih Covid-19 vaccine development programme chhim turin ramdang aṭangin palai eng emaw zat India-ah lo zin dawn.
He programme hi December 4-ah Pune-a neih tum a ni a, ni khat awh a ni ang. Institute pahnih Serum institute of India leh Gennova Biopharmaceuticals-ahte he programme hi neih tum a ni.
November 6 khan foreign secretary Harsh Shringla hoin ramdang palai 190 chuang nen India-in Covid-19 chungchanga a hmalaknaah meeting neih ho a lo ni tawh a, he hunah hian India aiawhin Shringla bakah, Principal Scientific Advisor to the Government of India, Prof. K Vijay Raghavan, Health Secretary Rajesh Bhushan, Secretary, Department of Biotechnology, Dr. Renu Swarup, Department of Science & Technology-a Secretary, Ashutosh Sharma-te an tel.
Serum Institute-ah hian AstraZeneca/Oxford vaccine chu enchhinna neih mek a ni a, Gennova-ah hian mRNA based vaccine enchhinna neih mek a ni bawk.
Tun hnaia prime minister Narendra Modi-a'n chief minister-te Covid-19 chungchanga virtual meeting a neihpuiah khan PM chuan India-in Covid-19 vaccine enchhinna a neih chuan enchhinna tawp lam a hnaih tawh thu CM-te chu a hrilh a ni.
India hi tun dinhmunah chuan Covid-19 vaccine siamchhuaktu leh supply tam thei tur ram niin, Pharma Capital ram a ni mek. Hydroxychloroquine (HCQ) leh Paracetamol chu ram dang 150 chuangah a supply mek a ni.