PM Modi-a'n Parliament building sak mek tlawh

Prime minister Narendra Modi chuan Pathianni khan Parliament building thar tur sak mek chu a hmunah a tlawh. He building hi nakkum kum chanve hnu lamah an zawh hman beisei a ni.

Modi hian an hnathawhte thlira enkualin, thawktute pawh a huam niin official chuan a sawi.

Parliament bulding thar sak mek hi Central Vista project zinga mi a ni a, he project hautak tak hi India ramin hripui leng vanga harsatna nasa tak a tawh mek karah thawh a nih vangin eptu party lam chuan an sawisel nasa hle a ni.

Sorkar official-te chuan kum 2022-a Parliament winter session chu building tharah hian neih hman a nih tur thu an sawi.

Parliament building thar hi square metre 64,500 a zau tura ruahman a ni. India chanchin leh ziarang chhinchhiahtlak tak tak tarlan na tur Constitution Hall, Parliament member-te chawlh hahdamna hmun, library, committee room ṭhahnem tak, chaw ei pindan, leh parking space zau tak a awm dawn a ni.

Building tharah hian Lok Sabha chamber-in member ṭhutna 888 an nei dawn a, Rajya Sabha member tan seat 384 siam a ni bawk ang.