Sushma Swaraj leh Wang Yi inkawm

External Affairs Minister Sushma Swaraj-i leh China Foreign Minister Wang Yi-te chu nimin khan Beijing-ah inkawmin, ram pahnihte inlaichinna ṭha zawk siam turte an sawidun.

Swaraj-i hian Inrinni khan Shanghai Cooperation Organisation (SCO) foreign minister meeting hmang turin Beijing hi a thleng a ni. Wang hi thla hmasa khan state councillor-ah hlankai a ni a, foreign minister hna pawh a la chelh chhunzawm a ni. Swaraj-i chuan state councillor-a hlankai a nih avanga a lawmpui thu pawh a hrilh nghal bawk.

Ram pahnihte hian nikuma ramri, Doklam-a sipaite an inep hnuah ramri chungchang buaina chinfel dan kawng zawngin hma an la chhunzawm mek a, level hrang hrangah inbiakna pawh an nei tawh a ni.