Union Minister-in thaha vauna dawng

Union Minister of State Anant Kumar Hegde chuan Pathianni zing khan mi tu tih hriat lohin phone-a biain, a lu tansakah a vau niin a sawi.

Minister hian vau a tawh hnu hian Sirsi New Market Police Station-ah complaint a thehlut nghal a, Indian Penal Code (IPC) section 504 leh 507 hnuaiah thubuai ziahluh nghal a ni.

Minister vautu hian minister office a be hmasa phawt a, a hnuah BJP hruaitu personal number-ah a be zui leh a ni. Minister number-a a biak hi Pathianni zing dar hnih vel a ni.

Anant Kumar Hegde hi Union Minister of Skill Development and Entrepreneurship niin, Karnataka-a Uttara Kannada constituency MP a ni. April 18 khan Hegde-a escort motor chu Karnataka-a Haveri district-ah truck-in a lo su tawh bawk.