India-in hlawhtling takin Akash missile thar kapchhuak

India chuan Thawhṭanni tlai dar 4:30 vel khan hlawhtling takin Chandipur integrated test range, Odisha aṭangin Akash missile a kapchhuak tih official-te chuan an sawi.

'Akash Prime' tih hming chawia sak missile hian hmelmate thlawhtheihna chu chhui zuiin, a dangchat thei dawn a ni.

"Akash system awmsa nena khaikhinin, Akash Prime hi indigenous active RF seeker nena thuam niin, hei hian accuracy ṭha zawk a neih tir dawn a ni. Hmun sang lama boruak lum tak karah pawh a rintlak zawk dawn a ni," tiin official chuan a sawi

Defence Minister Rajnath Singh chuan Akash prime missile enchhinna hlawhtling taka an neih theih vangin Defence Research and Development Organisation (DRDO), Indian Army, Indian Air Force leh stakeholder dangte lawmpuina a hlan.

Rajnath chuan hlawhtling taka flight test neih hian DRDO hian world-class missile systems an duang chhuakin, an siamchhuak thei tawh tih an lantir a ni, a ti.

DRDO Chairman G Satheesh Reddy pawhin missile flight trial hlawhtling tak an neih theihna kawnga inhnamhnawih zawng zawngte chu lawmpuina a hlan bawk. Akash Prime system hian Indian Army leh Indian Air Force inrintawkna neihsa nasa takin a belhchhah dawn a, Akash system hi lakluh ni tawhin, missile hlauhawm zawkte nena thuamṭhat mek a ni, tiin a sawi.