EC-in LS leh Assembly seat by-election neih hun puang

Election Commission of India (ECI) chuan nimin khan Lok Sabha seat 3 leh assembly seat 30-a by-election chu October 30-ah neih a ni dawn tih a puang.

ECI chuan ram chhung dinhmunte ngaihtuahin, hri leng, tuilian, festival chungchangte a thlir bakah, tualchhung thuneitute pawh berawnin, by-election neih hun tur hi a ruat tih a sawi.

Lok Sabha by-election hi Dadra and Nagar Haveli and Daman and Diu, Madhya Pradesh (Khandwa) leh Himachal Pradesh (Mandi)-ah neih a ni dawn a, assembly-by election hi Andhra Pradesh, Haryana, Mizoram, Maharashtra, Nagaland, leh Telangana-a constituency pakhatah ṭheuh; Karnataka, Bihar, leh Rajasthan-ah constituency pahnih ṭheuh; Himachal Pradesh, Meghalaya leh Madhya Pradesh-ah bial thum ṭheuh leh, West Bengal-ah bial pali leh Assam-ah bial pangaah neih a ni ang.