Khawchhak lam state-ten India ti hnufum : NITI Aayog CEO

NITI Aayog CEO Amitabh Kant chuan India a hnufumna chhan chu khawchhak lam state–Bihar, Uttar Pradesh, Chattisgarh, Madhya Pradesh leh Rajasthan te vang a ni tih a sawi.

Delhi-a Jamia Millia Islamia University-a Khan Abdul Gaffar Khan Memorial Lecture-a thu a sawiah Kant chuan India chuan sumdawnna kalpui lamah hmasawnna hmu mah se, mihringte hmasawnna lamah chuan a la hnufum a ni, a ti. Human Development Index (HDI)-ah India chu ram 188 zingah 131-na a nih thu a sawi bawk. Kant chuan ramchhunga chhim lam leh khawthlang lamte chu an che ṭhain hma an sawn chak hle tih a sawi a, HDI timasawn tur chuan khawtlang nun hmasawnna tur lam an ngaihtuah a ngai a ni, a ti. Hemi atan hian Aspirational Districts Programme kaltlangin an thawk mek tih a sawi.