Rs nuai 15 sem tura Prime Minister thu tiam zawtfiah

Prime Minister Narendra Modi-an kum 2014 Lok Sabha inthlanpui neih dawna a campaign auhla pakhata a neih, thlan tlin an nih chuan mipuite bank account-ah cheng nuai 15 ṭheuh dahsak an nih tur thu a sawi chu zawhfiah a ni a, mahse hei hi RTI Act in a huam tel loh avangin chhan theih a ni lo tih Prime Minister Office chuan a sawi.

PM-in bank account tina Rs nuai 15 transfer a tiam chungchang hi RTI hmangin kum 2016, November 26 khan Mohan Kumar Sharma chuan a lo zawt tawh a, Modi chuan engtikah nge account-ah pawisa hi a transfer theih dawn tihte a zawt a ni. Mahse a zawhna hi Prime Minsiter Office leh Reserve Bank of India chuan an chhang lo nia sawiin, Central Information Commission hnenah a zualko a ni. Mahse PMO chuan Central Information Commission hnenah Sharma zawhna hi RTI Act huam loh thil a nih avangin chhan ani lo tih a hrilh.