United States-a India mi 60,000-ten hna chan dawn

US President Donald Trump-an H-4 visa holder-te hnena US-a hnathawh phalna pek tihtawp a tum avangin US-a India mi hnathawka awm zinga 60,000 vel chuan an hna an chan dawn.

H-4 visa hi US-a H-1B visa hmanga hnathawka awm nupui/pasal te hnena pek ṭhin a ni a, he visa hmang hian US-ah hna an thawh phalsak a ni. He phalna hi US president hmasa Barack Obama hunlaia siam a ni a, mahse amah thlaktu President Trump chuan tihtawp a tum ta a ni.

US Citizenship and Immigration Services chuan H-4 visa holder hnena hnathawh phalna pek tihtawp a nih tur thu hi a sawilang tawh a ni. US-a H-4 visa holder zinga 80 hi hmeichhia an ni.

President Trump kaihhruai sorkar thutlukna siam hian India mi hna zawng laite a nghawng nasat hle rin a ni a, India rama unemployment rate pawh a san phah rin a ni bawk. Centre for Monitoring Indian Economy (CMIE) chuan India rama unemployment rate, nikum July thlaa 3.39% chu kumin April thlaah chuan a let, 6.75%-ah a kaichhoh rin a nih thu a tarlang.