UP-a MNREGA worker nuai 89 Aadhaar data putru

Uttar Pradesh-a MNREGA worker 89,38,138-te Aadhaar data chu a putru a, an data kimchang hi Andhra Pradesh Benefit Disbursement Portal-ah hmuh turin a awm a ni.

Independent security researcher Kodali Srinivas chuan State Housing Corporaton website-a beneficiary nuai 1.34-te personal data putruk chungchang a lo tarlang tawh a, nimin khan MNREGA worker nuai 80-te Aadhaar data awlsam taka hmuh theiha awm chu screenshot-in a twitter-ah a tarlang leh a ni. Mahse Srinivasa-an thil dik lo awm hi a sawichhuah hnuah, website administrator-te chuan data hi an dahbo nghal a ni.

Srinivasa hi kum 2017 May thlaa Aadhaar card holder vaibelchhe 13.5-te data online-a a putruk dan ziahna, Centre for Intenret and Society-te report siamtu zinga pakhat a ni. Heng data-te hi sorkar portal pali–National Social Assistance Programme, National Rural Employment Guarantee Scheme, Chandranna Bima Scheme of the Government of Andhra Pradesh leh Daily Online Payment Reports of NREGA of the Government of Andhra Pradesh aṭangin an putru a ni.