SBI-in MCLR tihniam

State Bank of India (SBI) chuan nimin khan marginal cost of fund based lending rate (MCLR) chu 25 basis points-ah a tihniam. Hei hi a zawna vawi 13  a tihhniamna a ni. 

SBI chuan margin-a loan a pekchhuah aṭanga interest hniam theihna ber a siam MCLR chu 7.25 per cent aṭangin 7% ah a tihniam a ni.  Hei hi June 10 aṭangin hman ṭan a ni ang. 

SBI hian loan an pek chhuah aṭanga interest rate hniam ber a siam ṭhin, base rate chu SBI chuan 8.15 per cent aṭangin 7.40 per cent-ah a tihniam a, a tihhniamna hi 75 basis points-ah a ni. Hei hi June 10 aṭang thoin hman theih tura tih a ni. 

Heng hmalakna hi SBI-in a kalpui chhan ber chu bank-te tan RBI hnena pawisa puk a awlsamna tura tih a ni. 

SBI hian July 1 aṭanga hman turin external bench­mark linked lending rate (EBR) chu 7.05 per cent per annum aṭangin 6.65 per cent per annum-ah a tihniam a, hei bakah hian repo linked lending rate (RLLR) pawh 6.65 per cent aṭangin 6.25 per cent-ah a tihniam bawk a ni.