SC-in ni 15 chhungin inhlawhfate An state-a thawn haw turin hriattir

Supreme Court chuan sorkar laipui leh state sorkarte hnenah nimin khan hriattirna pein, an state-a state dang mi, inhlawhfaa awm tang­khang mekte chu ni 15 chhunga anmahni state lama an haw theih dan ngaihtuah turin a hriattir.

SC chuan thawn hawn an nih hun chhung tur a hriattir bakah,  an hawn huna hna an thawh theihna turin sorkar chu employment scheme ngaihtuah turin a hriattir bawk. Justices Ashok Bhushan, Sanjay Kishan Kaul leh M R Shah awmna bench chuan sorkar laipui hnenah heng inhlawhfaa awm, tangkhang mekte hawna tur hian rel pawh ngaihtuah belh turin a ti bawk a ni. 

State danga inhlawh­faa awmten an hawna kawnga an innek buai avang leh lockdown dan bawhchhiaa puha thubuai siamsakte pawh, Disaster Management Act hnuaiah an thubuai neihte sut sak dan ngaihtuah turin SC chuan thuneitute a hriattir bawk.