Kathua lawyer-ten chargesheet siam tur an dan

Jammu and Kashmir High Court-a registrar general-in Supreme Court-a affidavit a thehluah, Kathua-a Muslim mi hmeichhe naupang kum riat mi pawngsual rawn leh thah a nih chungchanga Police crime branch-ten chargesheet siam an tum chu Kathua bar association chuan an lo dang ngei niin a sawi.

Principal District and Sessions Judge of Kathua, Sanjeev Gupta-an Supreme Court-a affidavit a thehluh hi Bar Council of India-in a chhuinaah, April 9-a chargesheet thehluh tum lawyer-ten an lo tibuai lo nia a sawi nen a inkalh a ni. Gupta chuan a report-ah hian crime branch-ten chargesheet siam tura court compound an thlen chuan, lawyer-te chu lo awmkhawmin an lo dang a ni, a ti. Registrar General of Jammu and Kashmir High Court Sanjay Dhar pawhin Kathu lawyer-ten an lo dan avangin chargesheet hi Chief Judicial Magistrate chenna-inah thehluh a nih phah niin a sawi. Hetianga lo dang buaitu hi Bar Assocation Kathua advocate-te an ni tiin affidavit-ah hian tarlan a ni.

Kathua-a pawngsualna thleng chungchang hi state police-a crime branch chhuitir a ni chu Jammu leh Kathua-a lawyer-te hian duh loin, CBI kuta pek an phut a ni. Crime Branch hian High Court enpuina hnuaiah a chhui a, he pawikawihna thleng kaihhnawihah hian mi pariat man ni tawhin, an zinga pali chu police an ni.