PM Modi leh China President Xi inkawm

Prime Minister Narendra Modi chuan China President Xi Jinping nena ni hnih awh informal summit nei turin Ningani zan khan China-a Wuhan khua a thleng.

Nimin chawhnu dar 3.30 khan hruaitu pahnihte hian Hubei Povincial Museum-ah meeting an nei. Hruaitu pahnihte hi official paruk ve vein an ṭawimawm a, museum hi darkar khat vel an fankual hnuah, East Lake Guest House-ah meeting an a nei a ni. President Xi chuan guest house-ah PM pual hian zanriah a buatsaih sak bawk.

China pana a chhuah hma hian PM chuan an meeting neih turah hian ram hmasawnna chu an ngaih pawimawh ber tur a nih thu a sawi. President Xi nen chuan ram pahnihte inkar leh, khawvel huapa thawhdunna tur hrang hrangte an sawidun dawn tih a sawi. India-China inlaichinna te pawh thlir letin, thawhdunna nghet leh tlo zawk neih dan turte an ngaihtuah dawn tih a sawi.