IPS official 66-te criminal case tikhawtlai

Indian Police Service (IPS) officer 66-te criminal case chu tikhawtlai mek a nih thu RTI hmanga zawhna chhannaah tarlan a ni.

Social activist Nutan Thakur-a zawhna chhangin, Ministry of Home Affairs (HMA) chuan IPS officer 66, criminal case nei mek zingah 13 chu Rajasthan ami an ni tih a sawi a, Tamil Nadu-ah pariat awmin, Gujarat-ah pasarih an awm bawk. Union Territory (UT) cadre IPS officer pali leh, Manipur leh Tripura-a IPS officer pali-te chuan criminal case hi an nei bawk.

Anni bakah hian Andhra Pradesh, Bihar, Jammu and Kashmir, Karnataka, Sikkim leh Uttar Pradesh-a IPS officer pakhat ṭheuh chuan thubuai hi neiin, an thubuai hi tihkhawtlai a ni.